NVF's Vegtækni

Hlutverk íslensku NVF-nefndanna er að skapa vettvang fyrir fólk hér á landi sem starfar á skilgreindum verksviðum tækninefnda NVF eða hefur áhuga á að fylgjast með því sem er að gerast í faginu. Vettvang þar sem fagfólk getur hitt félaga sem starfa á svipuðu verksviði og hefur áhuga miðla þekkingu og reynslu, hefur áhuga á að fylgjast með nýjungum, fræðast og ræða málin án allra skuldbindinga.

NVF-Vegtækni er vettvangur þar sem hægt er að fræðast um nýjungar í vegtækni hvort sem er í búnaði eða aðferðafræði og þróun á vinnubrögðum. NVF er svo kjörinn vettvangur til þess að efla tengslanet og þekkingarmiðlun fagmanna sem starfa á svipuðu verksviði á Norðurlöndum og víðar, okkur öllum til hagsbóta.

Það er ekki gert ráð fyrir að nefndin standi að eigin rannsóknar- eða þróunarverkefnum sem krefjast fjármögnunnar, en vissulega geta þar orðið til hugmyndir sem geta leitt til samstarfs félagsmanna um að standa að slíkum verkefnum, þar sem sótt væri um fjármögnun hjá öðrum t.d. rannsóknarsjóðum hérlendis eða frá NordFoU með öðrum landsnefndum innan Vägteknologi nefndarinnar.

​Sjá nánari skilgreiningu á starfsviði tækninefnda NVF hér.​

skipun nefndar

Stjórn Íslandsdeildar NVF hefur ákveðið að stofnaðar verði nefndir á Íslandi sem starfa samhliða norrænu nefndunum, sem vettvangur fyrir fólk í viðkomandi geira til að hittast og ræða málin án allra skuldbindinga. Nefndirnar verða undir handleiðslu formanns og varaformanns;
   Haralds Sigursteinssonar og
   Bergþóru Kristinsdóttur fyrir nefnd um vegtækni, sem verða sjálfkrafa tilnefndir í sambærilega norræna nefnd, en aðrir þátttakendur í íslensku nefndinni geta sjálfir valið hvort þeir séu einnig tilnefndir í norrænu nefndina.
   Gert er ráð fyrir að íslensku nefndirnar haldi ekki færri en tvo fundi á ári og a.m.k. á öðrum þeirra væri meðal umfjöllunarefna starfsemi í sambærilegri norrænni nefnd.
   Norræna nefndin um vegtækni, Vägteknologi, er ný nefnd sem slegið var saman úr nefndunum um slitlög (Belägning) og uppbyggingu vega (Vägens konstruktion) og mun meðal annars fjalla um sömu málefni og þær gerðu á síðasta tímabili.

Norrænar nefndir tímabilið 2016-2020

Norrænu nefndirnar tímabilið 2016-2020 verða núna 10, en á síðasta tímabili (2012-2016) störfuðu 16 nefndir. Nefndirnar eru (innan sviga er landið sem leiðir nefndina):
  • Broar (Finnland)
  • Drift och underhåll (Svíþjóð)
  • Digitalisering (Finnland)
  • Kompetens (Danmörk)
  • Klimat och miljö (Noregur)
  • Trafiksäkerhet och transporter (Danmörk)
  • Transport i städer och transportplanering (Svíþjóð)
  • Tunnlar (Noregur)
  • Utforming (Noregur)
  • Vägteknologi (Svíþjóð)

ÞáttTaka í nefndum

Nú er leitað eftir þátttakendum í íslenskar nefndir á næsta tímabili. Vinsamlegast látið vita hvort þið hafið áhuga á að vera með í íslensku nefndinni um vegtækni og jafnfram hvort þið viljið þá líka tilkynna þátttöku í sambærilega norræna nefnd Vägteknologi.
   Ef þið hafið áhuga á að vera með í einhverri annarri íslenskri nefnd sem stofnuð verður, samanber lista á síðunni, er það að sjálfsögðu frjálst og þið látið vita um það. Jafnframt væri það mjög þakkar vert, ef þið bentuð fleira fólki í ykkar nærumhverfi á þetta starf, einkum yngra fólki sem ekki hefur verið með áður.
   Óskir um þátttöku í landsnefndum NVF sendist til Þóris Ingasonar hjá Vegagerðinni, netfang [email protected]

Vägteknologi

Gera má ráð fyrir að starfið í norrænu nefndinni verði að svipuðu umfangi og var í gömlu nefndunum. Það er þó reiknað með því að nefndin setji upp sérstaka vinnuhópa til þess að vinna að ákveðnum, sérstaklega skilgreindum og takmörkuðum verkefnum.
   Skilgreining á starfi nefnda er nokkuð opin í forskrift stjórnar NVF en stýrihópur Vägteknologi hefur ekki komið saman til þess að móta starfið fyrir tímabilið, það er fyrirhugað í lok sumars. Það er þó gert ráð fyrir að ársfundur nefndarinnar, opinn öllum nefndarmönnum, verði áfram og hefur eftirfarandi tillaga um staðarval ársfunda komið frá leiðandi formanni og ritara:
   2017         Sverige (Stockholm)
   2018         Island ?
   2019         Danmark/Finland ?
   2020         Sverige (Via Nordica, Malmö)

Frá starfinu